社区

今朝拣咗只 $HS#HSI RC2608S.C(56735)$ 出嚟，不过都无乜作为，因为小时图50线根本就无上过，同步10线向下做埋路障，咁好仓边度有位出啫；再加上之后 $HSI(HSI)$ 行咗个「三角形」出嚟，作战室都系好淡两边爬格仔Swing住去，勉强够格仔数咋。

Patreon全线七日免费体验，立刻前往FB/IG/Patreon搜寻「轮证赢家」了解更多

都系睇返 $TENCENT(00700)$ 。星期一(7月15日)喺新城嘅节目提到当时腾讯上到接近400蚊「低斜度上升通道」顶部时同步有见出争一格「平顶」，所以推介咗腾讯嘅淡仓出去。

同步亦都系作战室度mark住只腾讯。及至㖊日作战室嘅腾讯再Mark住。的确我系比较少睇个股，所以通常被我Mark得嘅，至少自己都有七至八成把握先拎出嚟；再嚟到今日，见有战友今日先至出手淡只腾讯，但都唔紧要，因为上半场仍然取得正数。

及至下半场，基本上恒指都仲系无咩睇头，或者大家都开始聚焦于三中全会嘅出炉结果，所以就好似成班记者Camman围住度门喺度等。咁唯有再啄住只腾讯。

日线图上见今朝低位水平其实亦刚好踩住「低斜度上升通道」底线同埋保历加底线，暂时1点54分见股价出埋「十字星」添，好系一个触底样；问题系Slow STC(14.3)肯唔肯凌空屈返上去。

细少少拆个五分钟图去睇嘅话，呢一刻见股价上紧去50线楼上，Slow STC(14.3)两线亦都由今朝嘅超卖位上返去超买范围，如果你话用腾讯牛熊做Swing trade得唔得，其窴系绝对无问题，Swing trade系适用于所有唔同嘅图包括指数、个股，甚至系汇同商品，只要个图都系咁画，啲技术指标都系咁计，就无问题架啦。

可能，呢次腾讯系要捉一捉过夜，但唔系依家捉，系临完场前去捉。

如果完场前见腾讯五分钟图嘅Slow STC(14.3)落返去超卖兼有触底条件或走势出现的话，打靶唔肉赤注出 $UB#TENCTRC2501F.C(63890)$ ，收回价365元，同现价有约9.4元距离兼摆位低过保历加底线，杠杆有约25倍，纯博股价踩底线可以被托一托上去，无歪念的。

记得系「打靶唔肉赤注」，OK?!

作者阿珊，以技术分析专心玩轮证，唔贪心，努力赚取我家肥猫罐罐。