社区

今朝拣咗只 $UB#HSI RP2704V.P(61000)$ 出嚟，出仓条件系要 $HSI(HSI)$ 低于小时图10线；拉紧少少比多一个条件系借埋五分钟图睇10线过唔过，因为都怕Slow STC(14.3)两线落到超卖咁耐，真心惊佢会反弹。

以今朝出文时间10点16分，如常的用10分钟作为睇文时间的话，即于10点26分再睇返个走势图，见当时指数喺五分钟图上确认10线挡路后兼失守100线，小时图都真系可以悭返唔驶睇，指数再落即系(61000)可以出场。

同平时一样用10分钟时间去入只(61000)，按期内高低位做过0.052元/0.049元，平均买入价为0.0505元。

承如今朝都有讲过「好贪心的借上个星期五(7月12日)小时图第一支烛嘅低位18020点作为淡仓嘅下一个目标」还好今日指数比大家贪心得到，喺上半场11点35分见指数低位出18014点，即向下穿咗上星期五嘅低位18020点，(61000)亦都可以起身离场。

同以10分钟作为走货时间的话，即于11点35分起计10分钟走(61000)，期内高低位做过005.8元/0.056元，平均走货价为0.057元，呢一趟大概一小时嘅持货，平均有6.5格或12.87%赚幅落袋。

依家已经系下画1点4分，恒指刚刚开始下半场，五分钟图上见指数企高于10线之上，Well，上半场已经行得咁慢，下半场例慢的话，咁咪即系慢上加慢？反正都正数在手，下半场如见指数唔郁的话，未必系你network有事，可能系佢真系行得咁慢嘅事。

Patreon全线七日免费体验，立刻前往FB/IG/Patreon搜寻「轮证赢家」了解更多

作者阿珊，以技术分析专心玩轮证，唔贪心，努力赚取我家肥猫罐罐。