全套戏由头打到尾，冇冷场，再加埋以下因素: 1. 城寨既神秘感 2. 三十年前既流行曲 3. 提及卡拉ok、四仔等80年代既玩物 最重要既系一众演员既座阵，唔睇过都唔知，原来郭富城都有份。 一句讲哂，呢套戏唔睇唔得！！！ 今期推介: 讲到呢度，大家都会估到我今次想讲地产股，不过香港既地产股就唔好掂啦，二手楼重跌紧，一手楼话就话好左，但其实扣埋发展商加左既回赠，根本就睇唔出实情。 建议转移视线，购入美股的贝壳 BEKE，配合内地的内房政策，再加上公司回购，值得中短线持有。 *电影图片取材自互联网电影宣传物料 **报价图片取材自Tiger Trade截图

在预告片看到郭富城的哨牙做形时，会以为是一套贺岁的喜剧。片中当然有大量笑位: 1. 悍匪郭富城的连连金句 2. 社褔任贤齐的无奈 3. 的土司机林家栋的缩骨 4. 收贼赃姜大卫的斤斤计较 再加上其他配角的精彩演出: 林雪、曾比特、卢海鹏、符家俊、孙佳君…… 令到这套戏由头到尾都没有冷埸。 但我最想讲的是: 临时刧案这套戏，如果将郭富城的角色调成任达华、刘德华等较正派的演员去演的话，这套戏根本就是一套警匪片。甚至乎带点杜琪峰的影子。是郭富城的功力令到一套正规警匪片变成一套这么特别的电影。而戏中的最终结局是三位主角都没有抢刧成功，仍是和过著和之前一样的日子。 这套戏绝对值得一看！(9/10) 但奇怪的是，上映的戏院及时间都较正常少。希望大家可以多多入场，支持一下这套非常独特的电影。 股票推介: Shopify (SHOP) ，业续超亮丽，只是因为大家都在绩后出货，所以才于几日前出现回调，估计短期内便可以回升补回裂口位。 *图片出互联网电影宣传图片 

其实已经看了这部电影超过两星期，但一直没有写是因为提唔起劲。简单讲: 烂片。 剧透: 刘德华表面是一个律师，暗地里是一个毒贩，然后被警察查出，之后一轮枪战，最后刘德华一边说要返屋企，一边渣住部车由半出 “飞入”屋企，完。 十分满分，上次部金手指有7分，呢部潜行系1分。 成套戏都冇写好刘华做律师时正义的一面，只著重他毒贩身份时的面目狰狞，所以表现不出他黑白两个身份的茅盾。 至于动作场面，无聊的枪战拖了近十分钟，而且豪不精彩。 结论: 唔好入场，不如将戏飞钱买两个两餸饭食就算。 今期推介: 戏名 “潜行”形容现在的港股真是非常贴切。建议将资金换成美金，购人短期美债，三个月左右，息率达5.2%  *电影图片取材自互联网电影宣传物料 **美国国债报价图片取材自Tiger Trade截图 

话说我渣开部车(某德国品牌)今年刚刚过咗五年，所以打算做trade-in, 换架新车过新年。一早电话预约左车行个sales，不过果日我早左小小到，所以就直接上左去showroom睇车先~ 点知，金翅仆街鸟，全场二十几部车，竟然全部都系电车，一部油车都冇? 莫非我去错左showroom?电车系呢层、油车系另一层? 呢个时候，位Sales黎到，咁我就将我心中既疑问，直接问佢啦。位Sales就答: 「唔好意思呀，X生，我地品牌衣家只会出电车，油车已经停产左。X生，我知道你钟意三系既油车，不如你都考虑下换部电车啦，呢部i4入门版既外型同内笼都好似你衣家部三系架，都只系$590,000起…..(下删一百字)」 咁既结局完全系我预期之外，所以我做唔到反应，我唯一可以做既，就系「走」。 之后我去左另一个欧洲品牌既showroom八卦下，结果都系一样。呢间都系同一个讲法: 系呀。我地品牌一样都系只出电车，油车已经停产，不过我地重有一批上年既货尾油车响度，衣家做紧特价，卖埋呢批油车之后，就真系剩系出电车。 去到呢个位，我真系石化左。我个脑转唔到，衣家既情况系咪即系: 买新车既话就一定要买电车? 乜唔系买电车就买Tesla、买油车就买其他欧洲牌子咩? 就算我真系买电车，我都买Tesla啦，3同Y都只系$30多万，我做乜贵成倍买你地只Copy Cat? 明白到电车真系催势，但系香港既情况系咪真系support得到咁多电车? 我屋企停车场冇得充电㖞！咁我可以点充电? 跟住就实有条冇渣车冇车牌既人讲: 去商场停车场咪有得充啰。大哥，你试下星期六日去d大型商场停车场睇下，连一般车位都要排长龙，你重要排个有充电位既泊车位? 算啦，到呢一刻，我个脑都系转回到。想唔到点做，我都系渣翻我个旧车算，唔L换呀！ 今期推介: TSLA (估都估到啦)，当代股神Mark Mi

大家好！又到写影评的时间，上次写的那篇『白日之下』，感觉太沈重，所以今次写一部较为商业化的电影---『金手指』。 部戏以佳宁案为蓝本，描述梁朝伟饰演的程一言，如何用一系列的虚假交易及诈骗手段而令『嘉文集团』成功上市并成为炙手可热的股票，最后却因香港前途不明朗及经济下滑的外来因素而爆煲。嘉文集团被清盘、程一言被捕，并开始持续超过十年的法律检控。最终程一言承认两项控罪并入狱一年半。 相信大家都在线上或线下见到金手指的宣传广告，又话套戏既成本要三亿几、又话刘德华和梁朝伟相隔二十年后的再一次合作……等等。令大家对呢套戏好有期望。但系呢，睇完之后，我只可以话部戏只系一般: 1. 三亿几成本?完全睇唔出d钱去左边，莫非系去左刘、梁的片酬? 2. 刘德华的角色发挥有限，甚至是可有可无。 3. 梁朝伟想表现出”狂”，但就成个”何守信”咁既样。而且很容易被观众将梁朝伟同华尔街狼人的狄卡比奥比较。可能梁朝伟想保持偶像形像，所以演得不够贱。 4. 人物支节太多，两小时的电影根本只能匆匆带过。 5. 资料搜集不足，好多谜底根本没解开。白手套、金手指的关系亦只系留低一条伏线，由观众去猜想。 总结: 如果你系无聊，冇野做，想睇套戏轻松一下的话，一看无妨。 写完影评，又要写翻今期股票推介: 快手 1024 现价$48，6日RSI跌至30以下，严重超卖，值得搏反弹。短线目标$51