今朝无拣到任何货出嚟，事关都留意住 $HSI(HSI)$ 再次落到年内低位时会唔会做出「三底」支持。不过，以上半场低位见过17556点计，同之前8&9月低位17571点比，今日再稍为低多15点，数值上一啲都唔多，但喺技术走势上话佢已经破咗之前「双底」水平亦可以，线就系穿咗，或者好友寄望嘅系今日收市时指数可以收得返上去17571点或以上位置，咁今日暂且当佢跣脚。
嚟到下半场，指数愈落愈有，喺作战室里面以五分钟图拉出底线再配埋Slow STC(14,3)走势，午市开始后无耐见指数再向压低过底线水平，但系Slow STC(14,3)嘅摆位明显比之前两次指数靠近/压过底线水平为高，明白到依家(1点8分)见保历加通道口有收窄情况，系限制住指数向下再落，不过Slow STC(14,3)呢个位同时亦都话比你知，佢要扯低条恒指，佢系仲有本钱的。
🎉🎉🎉Patreon 全线 7️⃣日免费试用开放中🎉🎉🎉 https://www.patreon.com/join/cbbcwar
过多阵，指数再比出一个新低位，见17525点，换言之，今朝有担心过街货VS技术分析，怕因「三底」出现而令后者赢，似乎慢慢地被指数入侵晒全层17500至17599点嘅重货牛，得返25点生命值应该都去得七七八八，事关即使17500点收回嘅牛证仲有唔少，而且依家见有部份街货有50%至70%咁重，但设身处地一下，如果你手上持有嘅牛证喺呢个范围又见到今日指数系咁创年内新低的话，你走唔走？相信呢批牛证到依家应该都唔少货走咗，可能向下再移至17200点，甚至系17000点嘅牛证街货层做新一轮捉转角部署。
「捉转角真系咁易？」只可以话小心日线图保历加通道口拓阔，同埋低处未算低啫。今朝手执淡仓嘅到依家估计都仲喺手，五分钟图见指数开市至今都仲处于保历加中轴以下水平，到第四次都唔过的话，又再一注淡仓比出去，到时随时连17500点都无面比。
$HS#HSI RP2604Q.P(54806)$ ，收回价17900点，今日新上市所以未见有街货，为同一收回价中杠杆最高，有约47.38倍，记得见第四次唔过中轴先好，同埋预一预下半场往往都系比较静，所以爬住格仔先啦。
作者阿珊，任财经/投资版传媒人十几年，《钟摆战略赢港股》、《轮证基础笔记》及《傻宝不懂的技术分析》系列作者。用技术分析专心玩轮证，唔贪心，努力赚取我家肥猫罐罐。
精彩评论