社区

㖊日喺作战室都唔系无做到嘢，中段休息时有战友问恒指下一个量度位会去到边。手痕用上指数今年内嘅高(5月20日19706点)低(1月22日14794点)位拉个Fibonacci出嚟，咁啱得咁桥，0.5个位就系17250点，同㖊日嘅低位17251点只系争一点咁大把。所以下半场淡仓喺作战室再开出之后，结果3点未到就落到17250点前，全员收工！

今朝起身睇电视就坚啰，隔晚美股跌500点，再到日经跌过千点。已经一早呼吁作战室全员嘅日股做好防风措拖。

至于港股方面， $HSI(HSI)$ 今朝低开50点都估到会再向下落，争在向下行嘅速度系点，事关指数仍然企近牛证街货嘅同时，㖊日涀剩得返50点生命值嘅17200至17299点呢层，居然今日返嚟再储到上过千七张期指街货，虽则下个星期二先至期结，但呢口肥猪肉同有人夹到埋咀边，争在你擘大个口「呀~」咁样乔落去啫。

10点未到17200至17299点呢层重货牛当然无咗，作战室第一注淡仓都已经完成，Fibonacci嘅0.5今日如果唔出下影线爬返上去嘅话，怕且都真系系咁先啦。

小时图上见保历加通道口目前仍然拓阔中，Slow STC(14.3)两线仍然处于超卖范围，换言之Slow STC(14.3)系仲有条件出到超卖再超卖，咁指数就再有下行空间。

的确系好有贪念地 $SG#HSI RP2703X.P(65097)$ ，收回价17548点，同现价有约400点距离，以杠杆约36.5倍向下再扫埋余下两层重货牛。

个个都话17000点见，又姑且睇喺下个星期二之前到唔到啰。

作者阿珊，以技术分析专心玩轮证，唔贪心，努力赚取我家肥猫罐罐。