㖊日做完晒嘢之后，同我家老爷两个去咗睇《爸爸》，描写既是父子又是仇人嘅感情写得好细腻，戏里面亦都见到好几位新晋演员，我最喜爱嘅就系「三花」，系案件嘅唯一证人，坐小巴同剪脚甲嘅时侯乖到呢...(感谢另一位新晋演员范巧前辈寄赠两张飞)
恒指㖊日操作真心简单，全日低淡仓已经够做。而㖊日只 $HS#HSI RP26041.P(63937)$ 基本上都可以揸到下半场3点，见 $HSI(HSI)$ 喺五分钟图高走10线之后，当系出触底Swing向上不利淡仓而走人；说实话就系揾个位比自己收割啫。
都系用10分钟时间走货嘅话，期内高低位做过0.063元/0.062元，平均走货价为0.0625元，呢一趟平均食16格或34.41%，点都够嚟紧星期六冬至同屋企人食饭加餸啦挂。
如果Hold住只(63937)到今日嘅话，依家9点48分见证价做到上0.07元以上，皆因指数向下入紧重牛区19600至19699点呢个范围，买多份礼物比屋企人都仲可以。
去到10点见小时图Slow STC(14.3)有出触底，指数亦重上返100/150线楼上，但同时上方有10线向下落紧去，计过如果指数冻得滞唔郁，喺10/100线之间的话，区间位141点，难玩。
㖊日喺【轮证下半Part】有讲过将只 $HSBC HOLDINGS(00005)$ 换 $CHINA MOBILE(00941)$ 。如果有听㖊日电台边目嘅话，应该都知比多半日时间中移就系等佢日线图企唔企到「小型长方形」，今日见严格嚟讲未算企得上，因为摆位都仲串住条「小型长方形」顶线，不过仍然博10天线有力守住只中移出「超大圆底」。
$HS#C MOBRC2706B.C(58847)$ ，收回价68元，企到咁后皆因预一预呢一注可能同之前嘅汇控牛都系要守耐少少，有约12.1倍杠杆唔算失礼，成交活跃喺年尾都比较紧要。
作者阿珊，以技术分析专心玩轮证，唔贪心，努力赚取我家肥猫罐罐。
精彩评论