【轮证赢家】Lock好17406点「平顶」

呢排好似日本震完到台湾，呢啲地理嘢阿姨唔晓，只系知道身在台南嘅前老细人安好就OK啦(不过佢话距离应该都远，feel唔到)；望下个月历仲有一个月左右到中秋，又系时候订礼盒礼送过去佢嗰度Lu。

除咗地震呢单新闻之外，今朝见到隔晚美股同今朝日经都做得所常之唔错，依家9点12分，作战室开波玩紧日经架啦，有战友「Asahi早餐」Call百零点率先落肚；香港人为咗一日三餐真系好忙架！

今朝 $HSI(HSI)$ 开升176点，报17286点，将指数一个裂口推上咗小时图挨咗几日嘅17250点阻力楼上，过咗阻力变支持架啦，仲要喺小时图上面加多条150线做埋支持，拉远啲先借到大约17400点呢条顶线出嚟，睇嚟今日港股有啲计。

即使系，但都唔好见港股终于都升而High到老豆姓乜都唔知，事关今朝指数裂口之后，喺高位再去都去得比较一仆一碌，去到差唔多10点左右指数再比力上见17400.02点，作战室不论过夜定今朝先出嘅好仓都先后食糊。

10点打后见指数于17406点高位出咗「平顶」，呢个「平顶」不论喺五分钟图还是小时图都有见到，做反手的话暂时都只系借五分钟图保历加整条向上+Slow STC(14.3)博出触顶向下嘅Swing架咋。

$HS#HSI RP2604M.P(64590)$ ，收回价17728点，同现价有约392点，杠杆有约36.9倍，够做Day Trade架啦。

真系嘅，Lock好「平顶」位借五分 钟图保历加整条向上+Slow STC(14.3)触顶向下而出嘅话，都留意条10线，事关目前系未知道指数系借边两条线玩Swing架。

作者阿珊，以技术分析专心玩轮证，唔贪心，努力赚取我家肥猫罐罐。