【轮证赢家】恒指牛借小时图STC触底去

今朝起身见地下有两挞湿湿地但见到好完整一粒粒嘅猫粮，应该都系我家肥猫食饱饱之后崩崩跳所以呕出嚟，还好肥嘢每次呕都系呕喺地板、爪爪板或者佢张垫上，即一啲易抹或者掉咗佢就得嘅地，梳化同床多年来无事发生过；所以佢真系好乖(对!我是怪兽家长，高度表扬紧我家肥猫)。

清洁完之后先至再喺作战室会合班战友，的确蒲头时间比平时晏咗少少，还好都仲赶得切喺9点之前睇返今日街货图同review走势图。完U后见指数向下跌105点，开市报17008点。下方比定量度线，最低嘅先借8月9日嘅开市上升裂口底部16930点作下方量度线。而今朝开市后指数向下一挫挫到落到16926点后，长下影线出现。作战室好仓捉低开高走。

10点后见 $HSI(HSI)$ 重新爬返上保历加通道里面，系呀，今朝开市嘅时间推到拓阔仲跌咗出通道出面，不过指数低开高走之下迫返上去，同步见Slow STC(14.3)两线出触底。

$UB#HSI RC2608W.C(66908)$ ，收回价16700点，杠杆约有37.9倍，低街货、成交活跃。

讲多两讲，佢倒升啦。

作者阿珊，以技术分析专心玩轮证，唔贪心，努力赚取我家肥猫罐罐。