㖊日拣咗只 $HS#HSI RC26104.C(66567)$ 出嚟，计划借Slow STC(14.3)玩Swing，喺朝早时段等到Slow STC(14.3)落到超卖时以平均价0.0465元买入。
讲好系借Slow STC(14.3)做Swing，所以下一步就系等Slow STC(14.3)上返去超买位之后就走只(66567)，咁就搞掂。
持货至下半场1点20分，Slow STC(14.3)两线已经上返去80以上嘅超买范围，呢个时侯(66567)亦都可以执包伏走人。
同平时一样用返10分钟嘅时间去沽货嘅话，按期内(66567)高低位做过0.052元/0.049元计，平均走货价为0.0505元，即呢一趟平均执4格或8.6%。
玩咗咁耐Swing Trade，有时侯都真系几难撞得到全日都可以用同一个方法做落去，咁啱㖊日就真系可以，只不过系Swing嘅区域系一个「楔形」，所以去到尾段再Swing落去唔系有太多肉食，但都真系一个好好嘅图例去展示乜嘢叫做Swing Trade。
今朝 $HSI(HSI)$ 开市再升多48点，开市报17160点，进一步再迫近日线图上20线同熊证街货层。及至开市之后，作战室一齐出好仓先追指数一齐上，指数一度上到企高17200点，正式踩上熊证第一层街货之余，叫做粒烛穿住日线图嘅20线。不过，10点未到已经要拉返今朝开市裂口底位出嚟做下方量度线，玩开Swing Trade嘅战友，变阵快过乜。
10点打后见小时图，其实喺保历加上升通道上生咗个「圆底」出嚟，而今朝暂时(@10点14分止)高位17252点，算是掂到「圆底」颈线，指数唔过颈线向下落返去10/100线，乃念指数仍然企喺小时图嘅保历加上升通道里面，且下方仲有线接住(借到落中轴线先)，恒指牛(66792)，收回价16808点，同现价有约350点距离，杠杆有约39倍。
比多一个位，除咗小时图中轴之外，咬紧少少五分钟图下方150线呢堆线唔失嘅话，好仓都有啲计，否则...同㖊日一样玩住Swing先啦。
作者阿珊，以技术分析专心玩轮证，唔贪心，努力赚取我家肥猫罐罐。
精彩评论