今朝一起身见新闻出咗黄雨logo，见出面都好似未有事发生咁，但刷完个牙之后见出面开如落雨；再煲完个水之后已经听到行雷，吓得我家肥猫又走去台底暱埋。
行住雷等恒指完U，今朝开市先升12点，由于呢口价计化唔大，所以喺U盘完咗之后、正式开市之前都未有做定出仓准备。及至开市之后，见指数一下子高冲上去但亦都好快出上影线，首五分钟过去于五分钟图上第一粒烛即见高位「墓碑十字星」，作战室第一注以淡仓应市。
其实依家已经10点4分， $HSI(HSI)$ 一仆一碌咁一度落到去17002点嘅低位后，嚟一个争两点嘅「平底」一下子抽高，所以依家作战室注淡仓借住五分钟图条10线睇下有无计再向下碌多次，比返多几格出嚟。
至于小时图方面，指数今朝失守10线之后，依家再向20/50线方向出发，唯见小时图其实有条「上升通道」，而指数目标摆位亦都靠近「上升通道」嘅底线。
的确依家摆位不论同五分钟图嘅底线还是小时图嘅「上升通道」底线都好鬼近，确认向下穿得到先再出淡仓似乎先至再有再淡落去嘅空间。
再嚟到10点17分嘅时间，听住《微凉之夏》睇市，莫讲17000点，连150线两度都唔穿，但同时都未见指数再好强嘅上行动力，大不了借Slow STC(14.3)行一趟好仓Swing， $HS#HSI RC26104.C(66567)$ ，收回价16650点，杠杆有约37.9倍，同一收价中高杠杆、低街货。
作者阿珊，以技术分析专心玩轮证，唔贪心，努力赚取我家肥猫罐罐。
精彩评论