今朝拣咗只 $HU#HSI RC26123.C(65374)$ 出嚟，只有一个出仓条件，就系要企到小时图中轴先可以出仓。
以今朝出文时间10点33分，如同平时一样用10分钟时间去睇文嘅话，即于10点40分时再睇返个走势图，以当时小时图中轴见16781点计，对比指数当时为16855点计，确认指数企高于中轴线以上，换言之(65374)可以出场。
同平时一样用10分钟出货的话，按(65374)期内高低位见0.059元/0.048元，平均买入价为0.0535元。
落场后见 $HSI(HSI)$ 一直上，过16900点时作战室都有啲紧张，虽然㖊日指数都有冲过16900点楼上，兼且迫近17000点，但可惜最后佢系企唔稳嘅。不过今日都总算吐气扬眉，过16900点楼上兼仲企得稳，仲要冲住17000点添，半日高见17023点，但终于呢啲整点数关口位同埋第二个字头转，小心驶得万年船，作战室呢注好仓其实系见指数咬17000点边皮唔上唔落嘅时侯已经先行收队。
当然，你都见到咁嘅情况而率先走货系级对无问题，帮自己今日Lunch加几蚊饮杯凉粉冰消下暑亦都未尝不可；但如果仲有货在手嘅。留意半日收市见低返17000点，先预料呢个位可能打一阵功防战。又半场收市见五分钟图嘅保历加通道口收窄，Swing Trade有条件发动之下，下方借住中轴做量度线系可以嘅。
今日早少少出【轮证下半Part】就系想话比大家知拉好五分钟图条中轴线啫。守得住嘅，放只风筝出去，一来先守返成本，二来唔怕Miss咗有可能见过企稳17000点嘅走势。
作者阿珊，以技术分析专心玩轮证，唔贪心，努力赚取我家肥猫罐罐。
精彩评论