【轮证赢家】守到中轴先出好仓

㖊日拣咗只 $BP#HSI RC2610E.C(55807)$ 出嚟，平均买入价为0.052元。㖊日出【轮证下半Part】时见指数上到接近17000点前，话咗只(55807)都真系可以收网。

以㖊日嘅【轮证下半Part】出文时间为1点40分，如常的用10分钟去睇文的话，则于1点50分时见到嗌走货而掉走只(55807)的话，用样用返10分钟时间去清货，其内(55807)高低位做过0.063元/0.059元，平均走货价为0.061元。换言之，呢一趟平均有9格或17.31%落袋。

㖊日 $HSI(HSI)$ 最后埋单都升230点，总算对近日走势有少少嘅交代，不过，喺今朝返嚟嘅牛熊证街货图大量牛证走货嘅同时亦都有大量熊证街货企喺度，明嘅，㖊日指数一度迫近17000点嘅同时亦都靠近日线图10线，遇上齐点大关仲比多条线嚟遇阻，有乜可能唔出只淡仓碰碰运气。

完U后恒指无令人失望地低开，稍稍落返去靠近牛证街货嘅第一层16600至16699点之后，依家10点见指数一度浮返上去，可惜暂时喺五分钟图上见指数遇150/10线阻力，令指数有再次下行嘅情况；而作战室先淡后好都有战友完成动作，为今日嘅第一注取下正数。

10点过后嘅小时图见指数今朝出咗「锤头」物体，指数再重靠近10/20线，只系目前Slow STC(14.3)仲未确认转势。所以即使做好仓，呢个位出嘅话只能话系偷步注。

其实依家已经10点半，呢篇文都未出系因为都仲未等到小时图有比较确认嘅破位走势，过得到20线但呢一刻未过得到10线，摆位实在尴尬得很。

咁啦，小时图守得到中轴嘅话，好仓系可以出得到嘅，博埋嗰少少上到保历加顶/Slow STC(14.3)到超买位， $HU#HSI RC26123.C(65374)$ ，收回价16400点，同现价有约350点距离，杠杆有约39倍，算是附近收回价中低街货、杠杆偏高。

未稳定嘅市就用住爬格仔嘅方式先啦。

作者阿珊，以技术分析专心玩轮证，唔贪心，努力赚取我家肥猫罐罐。