这边厢啱啱新闻话今日最热34度；那边厢我阿妈话今日系立秋(?!)呢排啲天气热到好似吽打风之前嗰种热，但事实又唔系㖞，天文台都无话打风，又记得之前听一个电台节目有请过天文台嘅人员上去讲解嘅时候，都话呢啲「反常」嘅天气开始会变成「正常」。
Maybe恒指依家「升半个月、跌半年」咁嘅玩法，由201X年嘅时侯睇返落嚟，都系「反常」变「正常」。
今朝 $HSI(HSI)$ 先开升37点，报16684点，都真系有谂住港股都系继续向下碌，重复㖊日高开低走嘅动作之际，竟然10点未到将升幅扩大至升逾200点，上到去16850点楼上。作战室今朝好仓出动已经有战友爬完格仔OR出咗只风筝出嚟啦。
望望钟依家9点55分，小时图上已经一支「大阳烛」插住喺10线之上，顺便破埋条20线，Slow STC(14.3)两线仍然保持指住超买方向。去到10点打后见10线亦有似同20线重叠，出双线支持比指数，只系保历加通道口仍然收窄中，Swing Trade系有但顶线向下嘅话都有限制住指数上行高度。
反去望多眼五分钟图见指数喺高位16903点出咗接近「射击之星」嘅物体，不过都仲未打到指数落嚟，的确「射击之星」都真系可以失效。
$BP#HSI RC2610E.C(55807)$ ，收回价16400点，同现价有约400点距离，杠杆有约35倍，低街货之选。目前指数仍然企喺16850点附近，五分钟图上见借到平均线企稳，或者借到小时图10/20线重叠而出动可以；安全嘅亦都可以用返五分钟图嘅Slow STC(14.3)出触底而出动亦得。
作者阿珊，以技术分析专心玩轮证，唔贪心，努力赚取我家肥猫罐罐。
精彩评论