【轮证下半Part】日内最肥嗰位已过

今朝无拣到任何货出嚟，坦白讲今日上半场食得最大截嘅就系10点15分左右之前嗰一浸，五分钟图上见指数四次唔过150线，喺第三次唔过嘅时侯作战室已经出咗淡仓，就系呢一注正数之后 $HSI(HSI)$ 亦开始见出「长方形」走势，上半场尾段时间先叫做回返少少。

相隔一段嘅日股波幅比港股大，部份战友亦转到日股市场，Anyway，个图都系一样，啲线都系咁睇，所以同一套技术分析都可以应用喺日股身上。

不过午后返嚟原来都可以玩到一趟，皆因午前见五分钟图上最后两粒烛出咗争一点嘅「平顶」，少少似㖊日下半场开市嘅翻版，又系喺午后开市无耐做多次日内低位，午后小时图见指数虽然有稍过10线，但最终都系企唔返上去，目前整条保历加向下回落，系争在条Slow STC(14.3)未转向下。

搭半都未到作战室又完成一Round淡仓，依家大家担心嘅系，一阵间会落大雨...系呀，据战友回报总部讲，深水埗行雷中啦。

今日下半场自己玩住Swing Trade先，因为阿姨我今日要返医院覆诊。

作者阿珊，以技术分析专心玩轮证，唔贪心，努力赚取我家肥猫罐罐。