㖊日拣只 $UB#HSI RP2704H.P(65901)$ 出嚟，平均买入价为0.0365元。用五分钟图Swing Trade嘅策略去到，去到下半场【轮证下半Part】要交文时都仲见到条Slow STC(14.3)行紧超卖再超卖，(65901)都真系几时食都可以。
日本同香港系有时差大家都知啦，所以喺香港时间下午2点，即系日本时间下午3点，佢哋终于都「跌完」收市，单日跌12.4%，创单日最大跌幅。年老嘅姨姨手痕揾返那年311海啸爆核厂时嘅日经同呢几日做一个比对，点数计的确系创纪录，经过战友Jack(好都无听过佢个名呢~)再温提一下计一计百分比，果然人为同大自然灾害比较，人类(由8月1日开市计-21.27%)同海啸(由2011年3月11日开市日起计落到最低都系三个交易日计共-24.04%)，人类都仲系争少少。
话系因为日圆拆仓冧市都不为过，睇返今日五分钟图见2点打后 $HSI(HSI)$ 已经跌停咗，又刚好穿过16500点呢口价，将重货牛全数杀尽。Slow STC(14.3)两线于2点15分起见重新上返双位数；再过多五分钟见再上到2字头，(65901)亦都宣布离场。
同以10分钟时间走货的话，于2点20分至2点30分期间，(65901)高低位做过0.072元/0.066元，平均走货价为0.069元，呢一趟狂吞32.5格或89.04%。睇嚟呢一趟作战室全员可以直接趟平到下个月先再玩。
最正嘅系，连台湾证交所都要出嚟开Live「解画」。又真系唔关佢哋事嘅，不过单系一只台积电(2330.TW)跌停都够抢低台股。
今朝恒指开升返160几点，见隔离左右市都变返升，暂时都未知佢哋系抖一抖再嚟过，还是已经拆完晒啲仓，有方法可以大概摸得到佢哋条路嘅，呢啲留返喺Patreon再分享。
依家9点46分，指数由今朝开市后升逾200点，一度缩窄至升120几点，五分钟图上见150线三次唔过，作战室今日继续淡仓应市，但要留意今日嘅淡仓未必可以同㖊日嘅淡仓淡得咁爽，重伤过后指数跛下跛下咁行都值得「同情」。
同情还同情，高开低走还高开低走，作战室喺见五分钟图150线三次不破之后出嘅淡仓，到依家10点17分见指数升转跌之后，都算叫做花咗40分钟嘅时间去食呢注淡仓(未食晒嘅，大家都仲等紧位嘅)。
至于小时图方面，今朝指数原先开高于10线楼上，不过随住指数高开低，10线再次失守，只系要留意嘅系小时图Slow STC(14.3)仲未转向下，同埋五分钟图嘅Slow STC(14.3)都准备落到超卖位有似出触底。
呢啲位出淡仓的确有啲迟，但咁弱嘅市嘅出好仓睇少一眼都会死，㖊日食饱咗嘅，今日休息一日可以嘅；偷位的话，用返五分钟图做Swing Trade好啦。
作者阿珊，以技术分析专心玩轮证，唔贪心，努力赚取我家肥猫罐罐。
精彩评论