【轮证下半Part】恒指熊见STC出超卖走人未？

今朝先拣只 $UB#HSI RP2704H.P(65901)$ 出嚟，一心谂住出文嘅时侯 $HSI(HSI)$ 同Slow STC(14.3)应该都已经触咗底向上走，所以先至话拣定只(65901)出嚟，等五分钟图条Slow STC(14.3)超买时出场。

喺大约11点20分，已经见到Slow STC(14.3)两线重上超买范围，去到11点35分就向下回返落去；但今Round仲有两次机会可以出得到，事关喺11点55分时再次见到Slow STC914.3)两线重上超买位。

直线啲以第一次见到嘅超买回落而出只(65901)的话，按期内高低位做过0.039元/0.034元，平均买入价为0.0365元。

午后返嚟一支「大阴烛」向下落，将五分钟图嘅保历加通道口重新再拓阔，Slow STC(14.3)嘅%K线三爬两拨已经落返去超卖水平。再到依家1点18分，Slow STC(14.3)两线终于都见超卖位，(65901)可以准备离场。

准备完一阵做新城嘅一个短节目嘅资料之后，再返嚟睇返个市，Slow STC(14.3)目前仍然处于超卖范围，仲有似出超卖再超卖嘅走势，(65901)几时走都真系随得你。

作者阿珊，以技术分析专心玩轮证，唔贪心，努力赚取我家肥猫罐罐。