㖊日有睇过只 $TENCENT(00700)$ ，皆因日线图上见佢落保历加通道底线同「低斜度嘅上升通道底线」，谂住股价都可能会有少少支持挂，所以谂住等喺收市前最后10分钟睇下佢五分钟图嘅Slow STC(14.3)有无出触底，如见就出只打靶都唔肉赤嘅好仓掟出去，过夜博一博睇下有无裂口可以食得到。
不过今朝 $HSI(HSI)$ 开市裂口向下跌86点，开市报17653点，虽然向下跌100点都唔够，但系指数开喺呢个位亦都等于同开喺牛证第一层街货位置。正当作战室Plan定淡仓出动嘅时候，指数甫开市即出低开高走，但咁啱都系上返去1780X点，即同㖊日两次上到1780X点后见上影线遇阻，如果者呢个位算是第三次唔过向下回。作战室淡仓空群而出，同步以爬格仔嘅速度喺Chok到爆嘅市里面完成今朝嘅格仔注。
喺作战室喧闹完一轮之后，望望钟已经系10点半嘅事，小时图上其实见指数仍然都系被堆平均线Kick住，不过Slow STC(14.3)两线终于都向下，形态有似「圆顶」出现且重新落返去颈线水平。
其实一早喺作战室Mark埋7月11日嘅上升通道位置，的确有谂住佢会好「顺滩」地向下落到裂口位，皆因牛证喺17500至17599点见有过千张期指街货喺度，的确系好贪心地谂住个市同样都系咁贪心而向下杀。
再望钟依家10点36分，暂时见小时图都仲未有异样，拣定只 $HS#HSI RP2704F.P(64227)$ ，收回价18100点，比18000点再高多100点嚟做缓冲，杠杆有约41.2倍够做Day Trade，同现价亦都有约395点嘅，过到线先至掟出去，睇下贪唔贪到个裂口返嚟。
唔得嘅话，咪用返五分钟图Slow STC(14.3)做一趟Swing Trade收工啰。
作者阿珊，以技术分析专心玩轮证，唔贪心，努力赚取我家肥猫罐罐。
精彩评论