㖊日借咗小时图条Slow STC(14.3)见触顶向下，所以先至拣只淡仓出嚟，估唔到一做就做咗成个上半场咁滞，不过玩开即日嘅就真系好少过夜，事关策略同拣货系完全唔同。
睇返㖊日指数最后回落到中轴水平，Slow STC(14.3)同样都收喺中轴位，点数计亦刚好收喺牛熊证街货图嘅中间位。如果过夜嘅就单纯地博佢会继续顺住个方向行；如果系即日嘅，话之知第二日爆上，总之钱我已经袋咗啦，吹咩！
当然，呢个世界同旺旺烧米饼一样，都系有辣有唔辣啦，就系无货在手食今朝开市下行裂口嗰175点啦。
Anyway， $HSI(HSI)$ 今朝向下再落，摆位重新低返18000点之余，亦都落返入日线图「下降通道」里面，依家10点4分，作战室已经食咗一轮淡仓啦，Mark住嘅除咗系17800点呢啲齐点数关口位之外，仲有日线图嘅20线17918点。但老实讲，日线图嘅保历加通道其实系无变过样。
再嚟到10点9分，指数低位见过17730点之后出触底回升，作战室目前亦已经反晒手。至于睇文嘅你，以小时图上见Slow STC(14.3)目前两线仍然向下，保历加通道口仍然收窄，同样地都系有Swing Trade嘅条件，不过目前似乎被50线顶住头顶。
唔过小时图50线出 $UB#HSI RP27037.P(64171)$ ，收回价18188点，同现价有约410点，杠杆有约37倍已经够做DT。如果发现当睇完文之后指数已经企返上50线楼上的话，咁有可能五分钟图嘅Slow STC(14.3)上到超买位或附近，系的话，咁咪用只(64171)做一趟触顶向下嘅Swing Trade啰。
只要系即日鲜嘅话，五分钟/小时图都可以随时变阵嘅。
作者阿珊，以技术分析专心玩轮证，唔贪心，努力赚取我家肥猫罐罐。
精彩评论