上个星期五(7月12日)拣咗只 $SG#HSI RC2510J.C(63746)$ 出嚟，平均买入价为0.0705元，借五分钟图Slow STC(14.3)超卖触底入，至【轮证下半Part】出文时已经见Slow STC(14.3)超买中，几时走只(63746)都可以。
去到下半场大约1点40分，终于都见到Slow STC(14.3)确认两线都离开咗超买范围，触顶向下走好仓，同平时一样用返10分钟时间走货的话，于1点40分至1点50分期间，(63746)高低位做过0.08元/0.076元，平均走货价为0.078元，换言之呢一趟平均执7.5格或10.64%。
走货之后其实有再见到 $HSI(HSI)$ keep住喺保历加上升通道里面用时间换格仔，如果有时间睇住个图，即系好似我同作战室嘅战友一样的话，咁都有可能同我哋一样玩「放风筝」，只要方向啱就问题不大。
睇返全个下半场嘅走势，指数一直Keep住处于上升通道，至3点半时见过全日高位18317点。就算唔系全日高位走货，当你唔过夜同平时一样喺收市前10分钟走只(67346)的话，以当时高低位做过0.083元/0.082元计，平均走货价为0.0825元，即系话呢一注如果用上「放风筝」策略嘅话，平均赚幅为12格或17.02%。
今朝未起身已经听到出面落雨；喂完猫猫之后开电脑同作战室嘅战友做定开市前准备，见到今日嘅街货图向上数最近现价嗰日层熊证街货，每层都有新增街货流入。另一方面指数亦同牛证街货距离比较远，如果单睇街货的话，就会好直线地买入好仓，博指数继续向上杀熊。
不过，睇咗个日线图之后就未必会咁谂，皆因日线图上见指数头顶条50线顶住，呢个位未到9点喺作战室里面已经被我哋Mark住。
到咗正式开市之后，恒指向下跌91点开市；再嚟到依家9点43分，指数其实变化唔大，仍然都徘徊于开市口价附近作窄幅上落。
作战室今朝开市策略系出淡仓先嘅，10点未到有见过指数跌幅扩大至过百点，暂时低见18167点。依家其实仲有3分钟先至到10点，咁讲，裂口向下落到同10线咁近，但Slow STC(14.3)两线数字上有见触顶向下，同时见保历加通道有少少向上抽，真心好想知指数会唔会向下再踩多一浸，唔驶多，到10级的话都够作战室食糊。
终于等到10点，见到指数有少少似上个星期五嘅下半场嘅走势，只不过系上下相反，上个星期五系慢升，今日有似慢落。10点6分见指数踩住10线，淡仓第一个目标算是到步，好贪心的借单上个星期五小时图第一支烛嘅低位18020点作为淡仓嘅下一个目标，当然，注码上同今朝开出嚟嘅第一注系有分别。
$UB#HSI RP2704V.P(61000)$ ，收回价18588点，杠杆有约42.3倍，低街货都系一个Pick佢嘅原因，借小时图博指数仲有得向下推落去的话，确认指数低走10线固然系必需；五分钟图同步见指数下方有100线喺度，Slow STC(14.3)两线到超卖都仍然有懒保历加通道口要保持拓阔。所以安全嘅呢注淡仓睇下指数会唔会稍企于100线上再向上顶10线，顶唔过嘅偷步先出动可以。
最保守嘅Swing就当然等返Slow STC(14.3)上返超买位先啦。
作者阿珊，以技术分析专心玩轮证，唔贪心，努力赚取我家肥猫罐罐。
精彩评论