【轮证赢家】「还我18000！」

今朝起身时本来见到出面都仲系晴空万里，但转个头忽然黑晒仲落出大雨，战友话天文台一早讲咗呢几日有可能打风，随时有几个风打到嚟，大家出门带定遮之余，随时要带定多对袜呀！

睇返条 $HSI(HSI)$ ，由今年1月22日低位14794点，上到5月20日高位19706点，累升4912点之后之后向下碌到7月9日低位17376点，反方向累跌2330点，接近之前累计升幅嘅一半后，喺100线+250线+下降通道底+保历加底四归一支持下，暂时算叫停。

正当日股跌500、600点，㖊晚美股又受科技股拖累之下，终于今日恒指出人头地，指数开市升187点，终于「还我18000！」，开市见18020点。到依家开市只系13分钟，指数高位见过18139点，指数已经将首三层熊证街货全数收回，呢度夹埋有相当于981张期指。

同作战室战友交代风筝策略玩法之后，10点未到指数已经上埋去18200点楼上，再食多684张期指，总数1665张期指已经变成早餐。下一步再睇嘅系指数企得稳喺18200点呢个位之上，皆因唔觉唔觉，指数踩咗入熊证重货区。

等到依家10点11分，小时图上见高见出现18226/18222点，争四点确认唔可以叫做「平顶」，但是 依家有见升幅收窄至升342，报18174点，即回返落去18200点楼下。于小时图上借出7月4日高位18133点拉出量度线的，就大约可以框住指数嘅范围。

另一方面，再睇返五分钟图上见，都系同个「平顶」位置，指数依家稍为回落靠近10线，作战室一早好仓食咗一轮架啦，亦都贴咗堂见今日MVP，盖目前指数仍然踩住熊证街货同时又同牛证咁远，借五分钟图10线企好嘅话， $SG#HSI RC2510J.C(63746)$ ，收回价17588点，同现价有约600点距离，杠杆有约24.6倍，算是近牛之中高杠杆得嚟又少街货架啦。

《轮证赢家》Patreon，七日免费体验，立刻前往FB/IG/Patreon搜寻啦！

坦白讲条Slow STC(14.3)不论喺五分钟还是小时图都抢到咁高，呢啲位出好仓再追系有难度嘅，所以，真系见过线出到仓先至好出。

作者阿珊，以技术分析专心玩轮证，唔贪心，努力赚取我家肥猫罐罐。