【轮证下半Part】借五分钟图STC做ST识玩未？

今朝望住个市，搞文嘅刚好 $HSI(HSI)$ 喺小时图嘅50线之前过与唔过之间，小喇叭，焗住唯有喺呢度揸定双枪，左手 $SG#HSI RC25109.C(63126)$ 等过线后掟出去；右手就 $HS#HSI RP2604D.P(62965)$ ，等唔过线时就掟出去。

以今朝出文时间为10点20分，如常的用10分钟作为睇文时间的话，即于10点30分再睇返走势图。当时以小时图50线为17747点计，指数删好低于50线以下位置，同步五分钟图上亦见恒指高位回落，Slow STC(14.3)两线向下，啱啦，借埋佢做Swing Trade出只(62965)啦！

如常的用五分钟出只(62965)，按期内高低位做过0.049元/0.044元，平均买入价为0.0465元。借五分钟图做一趟Swing Trade的话，见11点10分Slow STC(14.3)已经出现触底反弹，(62965)转身射完个三分波之后跑去对面场。

同以10分钟时间走(62965)，其内高低位做过0.05元/0.044元，平均走货价为0.047元，的确呢趟只能快闪，事关作战室已经早于10点35分出淡仓，所以小赚半格或1.08%。

《轮证赢家》Patreon，七日免费体验，立刻前往FB/IG/Patreon搜寻啦！

竟然拣咗两只货出嚟，呢头借Slow STC(14.3)超卖触底走淡仓，同步梗系嗰头超卖触底出好仓啦，一直以来不论喺作战室还是呢篇文章讲嘅Swing trade都系咁玩嘅。

借11点10点见Slow STC(14.3)超卖触底而比只(63126)，期内高低位做过0.053元/0.046元，平均买入价为0.0495元。但呢注出动之后，要留意嘅系保历加通道喺五分钟图上开始出现收窄，同时愈近上半场完场+下半场开市，就愈会行得慢同低波幅，所以都要有少少心理准备时间换格仔。

不过，出奇地呢一注好仓又唔驶等好耐㖞，上半场未完，大约11点50分已经见到Slow STC(14.3)两线上返超买，Miss咗都唔怕，因为去到下半场1点15分都仲见到Slow STC(14.3)超买中，喺1点20分开始离场超买范围，换言之喺呢段时间(63126)可以收网，又睇下可以捞到几多格返嚟。

按呢段时间(63126)高低位做过0.059元/0.052元，平均沽货价为0.0555元，呢一网捞到平均6格或12.12%。

好啦，望望钟依家1点半左右，Slow STC(14.3)两线早已出咗触顶向下，借Slow STC(14.3)做Swing Trade已緀唔系第一次示范啦，识玩未？

小心Swing Trade有一个盲点，就系唔好单靠Slow STC(14.3)。因为好多时你会唔知道指数倒底系借紧边条线行Swing。

作者阿珊，以技术分析专心玩轮证，唔贪心，努力赚取我家肥猫罐罐。