由欧国杯未开始嘅时侯，已经课金买英格兰冠军，原因只有一个：「情意结」，有啲似班大叔婶婶买汇控(00005)一 样；唔同嘅系球 赛有终结嘅一日，但股市...基本上系无。所以喺股市上玩「情意结」随时变「无底洞」。
呢两日都数过喺 $HSI(HSI)$ 日线图上面，有100线+250线+保历加底线+下降通道底线四归一嘅支持下，都托得住指数呢两日嘅走势；但那边厢嗰四层每层有相当于过千张牛证街货嘅期指确实太肥，会唔会失心疯向下杀过去？真系唔排除呢个可能。
两边吸睛力度都唔细，落注都真系要小心啲，不过，今朝恒指开市升157点，开市报17629点，作战室今日第一注都系反地心吸力出好仓，借小时图同日线图Set定好仓目标范围17700至17750点，依家望望钟9点52分，指数已经到咗好仓嘅目标范围，作战室亦都变阵，换出「风筝策略」。
如果你问我「唔怕下面嗰四层千张重货牛咩？」点会唔怕，痴线，担心佢死多过英格兰唔捧杯，
先预日线图指数仍然会喺10线同100/250线之间游走，虽然指数仍然处于「下降通道」，但仍然可以喺通道嘅上落中进行Swing Trade策略，再缩细嗰时轴图用返小时图的话，10点打后见指数已经向上顶高条保历加通道顶线，将本来通道口收窄中变成开始横行返，而目Slow STC(14.3)两线势头仍然向住超买方向出发中。
只不过，换平均线出嚟则有少少忍忧，皆因指数喺依家10点8分已经升咗278点，指数被小时图50线有啲顶住，坦白讲作战室嘅好仓都陆续收割，战友已经去咗煮/食早餐，睇睇呢篇文嘅你再追好仓，难度系度不少于翻腾四周半。
话分两头，时间嚟到10点12分，小时图条50线开始作势被突破，痴线目前补7月8日开市裂口(17735至17799点)作战室做紧；我谂睇完文之后就知呢个裂口补唔补到。
简单啲，企得到小时图50线的话， $SG#HSI RC25109.C(63126)$ ，收回价17328点，同现价有约380点距离，杠杆有约35.4倍；相反，如果佢今日补裂口任务完成的话，低走50线时 $HS#HSI RP2604D.P(62965)$ ，收回价18150点，同现价有约400点距离。
作者阿珊，以技术分析专心玩轮证，唔贪心，努力赚取我家肥猫罐罐。
精彩评论