今朝打算违反地心吸力出只 $HS#HSI RC2610Y.C(56580)$ ，讲系真系高难度动作，下面咁重牛证街货偷位出好仓，真系睇少眼都死。而出(56588)嘅原因系当时博紧 $HSI(HSI)$ 可以企喺小时图中轴线之上，一失线即刻可以拜拜
以今朝出文时间10点20分，如同平时一样以10分钟去睇文的话，即于10点30分再睇返走势图，当时小时图中轴为17633点计，指数做紧17671点，指数仍然守住中轴线，符合出场条件。
如同平时一样，都系用10分钟图出货的话，按期内(56580)高低位做过0.054元/0.051元，平均买入价为0.0525元。
导演度桥拍戏都未必度得咁准，呢头出完货之后，嗰头即刻跌穿条线比你睇，顺带连五分钟图嘅中轴都穿埋，(56580)张凳唔好话坐暖，Pat Pat只系掂到一下又要起身。
其实唔对路即走真系好正常，除非有幸运之神眷顾你，喺你想入嘅时侯老细嗌你/同事揾你/阿仔叫你，甚至只猫亲你，你一Round应该都可以避得到；因为真系穿得太快啦。
严守策略下即走(56580)，同以10分钟执包伏计，期内高低位做过0.054元/0.045元，平均走货价为0.0495元，换言之呢一趟无妄之灾平均输3格或5.71%。
还好作战室喺过中轴之后再补多注淡仓出去，午后返嚟见指数再向下行，啱啱1点28分时仲见到出倒跌添，严守策略同止蚀真系唔系无用架！或者今日都系等睇指数喺日线图上10/100线夹住嘅情况先啦。
《轮证赢家》Patreon，七日免费体验，立刻前往FB/IG/Patreon搜寻啦！
作者阿珊，以技术分析专心玩轮证，唔贪心，努力赚取我家肥猫罐罐。
精彩评论