㖊日拣咗只 $HS#HSI RP2704R.P(63477)$ 出嚟，平均买入价为0.053元。下半场开市无耏见 $HSI(HSI)$ 顶返住小时图嘅10线，亦都即系(63477)上方量度线，所以喺㖊日【轮证下半Part】嘅文末巳经讲要准备执定包伏走人。
以㖊日出文时间1点9分，如常用10分钟作为睇文时间的话，即于10点19分再睇返走势图。见指数已经上破咗小时图10线，虽然当时只留低下影线，唯再睇五分钟图见保历加通道口有拓阔之嫌，确系走为上仗。
同平时一样用10分钟时间走货的话，即于1点20分至1点30分走只(63477)，期内高低位见过0.051元/0.048元，平均走货价为0.0495元，还好呢一趟平均只系输3.5格或6%，虽然账面计呢个蚀幅都唔系好夸张，但以目前嘅【月度报告】计，系输得最多嘅一注。
无嘅事，先系作战室之后好仓掟咗出去追返个损失，㖊日下半场2点未到指数弹返上17600点，日线四归一真系最究极；继而系今个月见过咗1/3，仲有时间慢慢重新调整再做返好嘅。
今朝起身再睇牛熊证街货图，牛证啲街货真系同无限城一样，今朝返嚟见又储多咗，首四层每层有过千张期指街货喺度。好直线咁谂指数唔向下再杀牛仲有咩好做？有，就系反方向队熊。
恒指今朝开市升90点之后，经过开市初段Chok上/落之后，指数向上行至10点前见过嘅高位17765点，不过同步亦喺接住嘅阴阳烛高位见17763点，争两点「平顶」出现之后，作战室弃好转淡。
10点后换个小时图出嚟见，指数今朝抽高后回落，于50线前留低长上影线，及至10点打后指数还好仍然守于中轴以上，即使保历加通道整条向下兼收窄中，但Swing Trade条件仍然健在。
先唔好贪心指数咁快补到7月8日嘅下跌裂口先，借住日线四归一+小时图中轴接住，反重街货吸力出 $HS#HSI RC2610Y.C(56580)$ 真系高难度动作，收回价17250点，同现价有约400点距离，杠杆约35.3倍属于偏高水平，兼为低街货之选。
依家10点18分，恒指再次挑战返企17700点楼上，知道熊证系无乜肉食嘅，街货 VS 技术分析有八成都系街货赢，剩返嗰两成...依家佢Show比你睇紧。
作者阿珊，以技术分析专心玩轮证，唔贪心，努力赚取我家肥猫罐罐。
精彩评论