指数㖊日最后力守250天线收市，日线图上见都算仲有100/250线+保历加底线同「下降通道」底线接住指数。虽然咁多线接住指数，但开个 $HSI(HSI)$ 牛熊证街货图出嚟，今日牛熊比例虽然只系64:36，不过牛证嗰边又再重新储起三层过千张期指街，兼且仲有一层有900几张期指街货，指数愈跌，牛证愈多，合理嘅，大家都谂住只牛证一出之后第二日就捉到转角嘛！所以牛证街货变咗无限城咁款。
要做牛杀队唔系问题，问题在于今日指数确实系有四个。打大佬都唔止一个柱去杀啦，所以就睇下班淡友团唔团结啦。
10点3分一边听住老友强少同前辈范巧嘅YT节目，一边睇个小时图，今朝喺作战室完U后至未正式开市呢10分钟期间，已经喺上面画定17530点呢个位做上方量度线，刚好今朝暂时高位见17531点，呢条线真系靠得住，作战室战友都加入咗成为牛杀队嘅一份子，淡仓在手挨唔过少上上落落Chok到呕之后，依家算叫做Hold得轻松少少。
文都未出牛杀队已经将第一层牛证街货全层收回，呢度都有相当于804张期指街货，17300至17399点被推到成为第一层牛证街货层，留意呢度开始系见过千张期指街货，又10点12分依家见恒指报17424点，换言之日线图上嗰四个支持位暂时全部失去，会唔会喺收市时失而复得？4点先知。
$HS#HSI RP2704R.P(63477)$ ，收回价17979点，同现价有约460点距离，杠杆有约37.3倍，为同一收回价牛之中杠杆最高，仍然用小时图嘅17530点或10线做量度线(边条近用边条)；唯一要小心嘅系小时图目前保历加通道整条向下，Slow STC(14.3)两线虽然行紧超卖再超卖，但都小心随时会引发Swing Trade嘅可能。
作者阿珊，以技术分析专心玩轮证，唔贪心，努力赚取我家肥猫罐罐。
精彩评论