啱啱个星期六C9落街市买餸时见到档档菜档都插住个牌：是日小暑，冬瓜$6斤，送两片荷叶。惨啦，小暑都34度，咁大暑仲得了嘅？所以，唔该大家，好好补充水充同户外工作嘅真系得闲揾个有瓦遮头嘅地方抖抖凉。
呢期日经同天气一样都系咁Hot，前个星期开始已经喺Patreon上系咁推日经，当时38000点到尾左右，两个星期后已经重新迫到上40000点楼上，礼拜五(7月5日)仲闯41000点关。投资者如果要喺香港买日股其实方法同美股差不多，都只系开一个可以买到日股嘅A/C就可以，大家用开嘅「叠字」A/C都可以做到；懒嘅话，Sorry，香港暂时得只 $CSOP NIKKEI225(03153)$ 嘅ETF，呢啲冷门嘢真系要买嘅话，留意下啲成交。
至于 $HSI(HSI)$ 方面，佢都好Hot架，今朝低开高走重新17700点楼上之后，10点未到已经反咗方向重新向下兼落到17500至17599点呢层嘅重货牛证区，呢度有相当于1356张期指街货；而指数不消半小时亦已经吞咗1456张期指街货。
作战室淡仓已开兼准备向下冲过去等见17500点穿，将重货牛全层收回，当然中途有变挂嘅话，更系保下数为上。
10点见指数愈跌愈有，暂时低位见过17532点，呢口价已经等同落到去日线图嘅保历加底线，所以作战室亦喺10点3分呢个时侯淡仓。
「走淡仓咪即系可以出好仓做反手啰？」理论上系，但实际上反手好仓有几多水位都要度过先知，以依家10点5分见嘅五分钟图嚟讲，保历加通道口仍然拓阔兼10线仲未到指数之下，暂时最多都只系借住17600点呢啲齐点数关口位做上方量度线；重点系重货区仲有生还者。
换小时图见保历加通道仍然保持拓阔，暂时指数低位都未见有出「平底」，淡仓呢个时间再出或者再Hold，博嘅都只系保历加通道继续拓阔，将指数向下瀡过去。
既然系咁，不如先借五分钟图画定量度线。喺10线未到之前，借住17600点做线位先，唔过线仍然以出淡仓为主，即 $CT#HSI RP2602A.P(63433)$ ，收回价18000点，同现价有约370点距离，42杠杆够今日买鱼蛋食；万一过线嘅话...咁近重货牛出好仓都真系几冒险，重新考虑再线唔过试多次淡仓好过。
作者阿珊，以技术分析专心玩轮证，唔贪心，努力赚取我家肥猫罐罐。
精彩评论