今朝拣咗只 $HU#HSI RP2704H.P(62390)$ 出嚟，贴少少借高少少杠杆，因为首站目标系以小时图嘅20线，即「上升通道」底线返穿唔穿线先至好出啦。
以今朝出文时间10点17分，如常的用10分钟去睇文嘅话，则于10点27分时再睇返个走势图。五分钟图上见当时保历加通道口刚刚拓阔， $HSI(HSI)$ 出「大阴烛」向下之后Slow STC(14.3)两线都向住超卖方向出发，(62390)掟出去的话，借保历加通道口保持拓阔，然后再博Slow STC(14.3)两线出到超卖再超卖，咁今日兜烧卖又有著落。
如同平时一样，用10分钟时间去买货嘅话，即于10赔30分起计10分钟期间，(62390)高低位做过0.055元/0.049元，平均买入价为0.052元。
本以为今朝指数摆位近熊证街货，取易舍难之下或会向上行杀熊，点都估唔到一个屈尾十向下走落去牛证街货层，上半场见指数最低做过17804点，4点之差守住第一层牛证街货。小时图上更见唔止到咗原先设定嘅中轴/「上升通道」底线目标价，根本仲有多，兜烧卖仲可以加多10粒鱼蛋。
用返平时守则去做嘅话，大约喺上半场11点半左右，五分钟图上见Slow STC(14.3)出现触底，同步见保历加通道口有收窄情况，喺Swing Trade出现嘅机率提升之下，(62390)亦可以见好就收，如常用10分钟作为走货时间的话，期内(62390)高低位做过0.061元/0.057元，即平均走货价为0.059元。换言之，呢一小时嘅淡仓持货平均执7格或13.46%。
依家其实已经2点26分，今日的确比较忙，忙在挂住睇紧日股，所以喺港日两边睇之下未能再分心打稿，But我谂今朝出淡仓嘅你，应该都同作战室战友一齐食咗and then Happy Firday!
《轮证赢家》Patreon，七日免费体验，立刻前往FB/IG/Patreon搜寻啦！
作者阿珊，以技术分析专心玩轮证，唔贪心，努力赚取我家肥猫罐罐。
精彩评论