今日继续留意住只 $HSBC HOLDINGS(00005)$ ，无特别重新拣货，因为之前拣落嘅 $UB#HSBC RC2312D.C(69393)$ 仍可取，并Set好短线嘅话以汇控五分钟图「小圆底」过颈线先至出手。以今朝Patreon出文时间为10点18分，如常用10分钟作为睇文时间的话，见到指数确实系被「小圆底」颈线顶住，(69393)出唔成唯有再等机会。
「等「小圆底」再次挑战颈线成功先至再出？」呢个当然系其中一个方法啦，另一个玩法系即常的用Slow STC(14,3)做Swing一趟，基于拣好嘅(69393)系好仓，所以可以计划等Slow STC(14,3)回落到超卖水平后出触底然后再出(69393)。
其实如果唔嫌Slow STC(14,3)唔够低的话，喺今朝大约11点15分时，见Slow STC(14,3)于23/23呢个位已经出现触底，绝对系可以吼呢啲位而出只好仓包括(69393)作Swing Trade一趟嘅。唔驶等好耐，因为上半场完场前已经见到Slow STC(14,3)两线重上80以上嘅超买水平。粗略一计(69393)呢一趟平均都系三格执到，系咁上下架啦，事实汇控今日股价走势本身就系咁实。
及至下半场返嚟见恒指升幅略为多咗少少，作战室里面仲有一注系午前出嘅好仓，目前顺住上行方向慢行中，虽然唔会预佢忽然会失心疯抽高，但慢速嚟计...至少方向正确先啦。
Patreon作战室实七天免费试用已经开放！详见《轮证赢家》FB/Patreon
作者阿珊，任财经/投资版传媒人十几年，《钟摆战略赢港股》、《轮证基础笔记》及《傻宝不懂的技术分析》系列作者。用技术分析专心玩轮证，唔贪心，努力赚取我家肥猫罐罐。
精彩评论