【轮证赢家】大胆少少用小时图

㖊日只 $HSI(HSI)$ 好仓逃生后，作战室反过来出淡仓追返逃生牛嘅损失，还好拉上补下大家都仍能保持正数，总算有惊无险。

都话轮证有条款，玩法真系唔可以同正股一样死坐烂坐，佢有到期日亦都有收回条件，绝对无可能同你坐到天昏地暗。㖊日输14%有多可能有啲唔高兴，但定神过后，再加埋瞓醒一觉，见到恒指今日开市跌108点，报19902点，再次低走于20000点以下嘅同时，依家9点32分，指数开市后向下再冲落去，暂时低见19827点，随后，指数都完成咗低开稍低走，嚟到9点42分，指数趺跌幅收窄至跌96点，报19914点。

再睇下今日个牛熊证街货图，见牛证再有新增街货层至19600至19699点，呢度为牛证重货区兼最多新增街货层，有相当于982张期指。而熊证最贴价仍然见20300至20399点，都有相当于727张期指架；而上多两层仲见有过千张期指街货进驻，分别有20500至20599点嘅1083张期指，同埋20600至20699点嘅1040张期指。计一计牛熊中间距离为19999.5点，以依家9点52分恒指报19941点，跌幅再进一步收窄至跌69点计，事实点数同企中间位都真系无乜分别，不过数值还数值，一秤之下点都系低过中间位嘅，就count住佢靠近牛证街货先。

开市到依家都差不多半个钟，暂时未见指数有大幅度异动，但反而比较引起我注意嘅系个小时图。㖊日都有同战友分享咗一个好大胆嘅谂法，就系借小时图由7月31日指数同Slow STC(14,3)度于高位向下回落至目前中轴以下 + Slow STC(14,3)处于中轴水平，不过，目前小时图 Slow STC(14,3)两线向下嘅斜高有所收歛，同时保历加通道口有收窄情况，反映市场再下行嘅空间有所收窄；等到10点打后再睇返指数系继续低走于小时图中轴，还是可以重上中轴以上水平兼借埋 Slow STC(14,3)回上。

Patreon作战室实七天免费试用已经开放！详见《轮证赢家》FB/Patreon

答咗战友嘅问题之后，已经到咗10点8分，小时图上出咗第二粒烛见仍然低走于中轴以下水平。 $HS#HSI RP2604T.P(50436)$ ，收回价20300点，同现价有约390点差距，杠杆48.56倍，呢个杠杆就算唔等小时图完成一个Swing Trade，单用五分钟图快走一趟亦都够饮茶。

作者阿珊，任财经/投资版传媒人十几年，《钟摆战略赢港股》、《轮证基础笔记》及《傻宝不懂的技术分析》系列作者。用技术分析专心玩轮证，唔贪心，努力赚取我家肥猫罐罐。